Ko’p tikuvchilar oddiy xato tufayli usta chaqrib kamida 150 ming - 200 ming so'm ortiqcha xarajat qiladi, bu 1 ta tikuvchini yarim kunlik ish haqqi bo'lishi mumkin. Quyidagi 10 ta maslahat mashinangizdagi muammoni o’zingiz hal qilishingizga yordam beradi.

1. Ip noto’g’ri o’tkazilgan
Ipni mashinaning barcha yo’naltirgich va ilgaklaridan ketma-ket o’tkazing. Bittasi noto'g'ri o'tkazilsa ham, ip uziladi.
2. Ip tarangligi juda kuchli
Taranglik vintini biroz bo’shating va matoda sinab ko’ring. Ip yengil tortilishi kerak, lekin bo’sh ham qolmasligi lozim.
3. Igna noto’g’ri o’rnatilgan
Ignani eng oxirigacha kiriting. Yo’nilgan tomoni o’ng tomonga qarab tursin.
4. Igna egilgan yoki sifatsiz
Ozgina egilgan igna ham ipni uzadi. Uni almashtiring va matoga mos raqamni tanlang.
5. Ip sifatsiz
Ipni qo’lingiz bilan tortib ko’ring. Oson uzilsa, uni almashtirgan ma’qul.
6. Shpulya noto’g’ri o’ralgan
Shpulyadagi ip tekis va bir me’yorda o’ralishi kerak. Uni mokiga to’g’ri yo’nalishda joylang.
7. Igna plastinkasi yoki ilgakda g’adir-budurlik
Mayda sirtqi shikast ham ipni qirqib yuboradi. Sirtni sezilarli g’adir-budur bo’lsa, ustaga ko’rsating yoki detalni almashtiring.
8. Chang va ip qoldig’i
Mokini va uning atrofini cho’tka bilan muntazam tozalang. Yig’ilgan chang ipning erkin yurishiga xalaqit beradi.
9. Mokini moylash.
Mashinaga mo’ljallangan moydan bir-ikki tomchi tomizing. Ortiqcha moy ham zarar, shuning uchun me’yorni saqlang.
10. Igna va moki “kelishmaydi”
Yuqoridagilarning hech biri yordam bermasa, igna bilan moki orasidagi masofa buzilgan bo’lishi mumkin. Bunda servis xizmatiga murojaat qiling.

Servis xizmatimizdan foydalanish uchun:

+998-55-518-50-00

Manzil: Toshkent shahri, Yakkasaroy tumani, Qushbegi 26

To’g’ri chok mashinasi: ip uzilishining 10 ta sababi va yechimi